وطنية - دعا عضو تكتل "الجمهورية القوية" النائب رازي الحاج إلى "المشاركة الكثيف في الاعتصام، الذي سيقام أمام قصر العدل في بروكسل،  الإثنين المقبل للتحذير من خطورة أزمة الوجود السوري في لبنان". 

وكتب الحاج على منصة "أكس": "لكل لبنانية ولبناني، كبار وزغار وشباب وصبايا تركتوا لبنان لأسباب قسرية أو طوعية، لبنان عم بناديكن لتقولوا "لا" لمخطط إبقاء السوريين على أرضو، وتوقفوا وقفة وطنية لدعم وطن عم بيموت ديموغرافيا واجتماعيا واقتصاديا وتربويا. لازم تكونوا كتار أمام قصر العدل ببروكسل يوم الإثنين 27 أيار بين الساعة 12 والساعة 2 بعد الظهر لتشاركوا بالاعتصام وتقولوا "نعم" لإنهاء أزمة وجودية عم تهدد كيان وطننا لبنان، وتقولوا "لا" للبنان وطن بديل لأي شعب غريب و"نعم" للبنان وطن أصيل لشعبو فقط لا غير. من هون، نحنا مكملين المعركة وما رح نتراجع عن حماية بلدنا، وإنتو لازم صوتكن يصدح بساحة قصر العدل ببروكسل ويوصل لأبعد مدى ولكل مسؤول بالمجتمع الدولي وسوا منقول المعركة مستمرة، والمواجهة مستمرة".

===================== ن.ح